كادر 1 :
مذيعة ترتدى بلوزة مفتوحة الصدر و تضع أطنانا من مستحضرات التجميل
-و النهارده معادنا مع شيخنا أبو فتوة السكرة عشان يعرفنا أحدث المستجدات فى عالم الفتاوى
-أهلا بيك يا فضيلة الشيخ
- أهلا بيكى با بنيتى
-يا فضيلة الشيخ جالنا سؤال مهم أوى من السادة المشاهدين عن أحكام الخلوة بين الرجل و المرأة فعايزين حضرتك توضح لنا الموضوع شوية
- شوفى يا بنتى,لو تواجد فى الخلوة دى أى كائن حى كالببغاء أو قطة أو حتى صرصور فلا تعتبر خلوة كاملة و الدين يسر زى مانتوا عارفين :)
-طب يا فضيلة الشيخ كنا عايزين رأى حضرتك فى التدخين
-التدخين حلال حلال حلال و لا يفطر فى الصيام كما أدعى البعض,و طبعا الدين يسر زى مانتوا عارفين
كادر 2:
نفس المذيعة ترتدى الحجاب و لقاء فى جامع مع شيخ ذو لحية طويلة و جلباب قصير
-و دلوقتى جه ميعاد لقائنا مع شيخنا عسران شديد عسران
-السلام عليك و رحمة الله يا شيخنا
-و عليكم السلام و رحمة الله و بركاته يا أبنتى
-فضيلة الشيخ أحنا فى البرنامج جالنا أسئلة كتير من السادة المشاهدين و كنا عايزين نأخد راى فضيلتكم فيها
-إتفضلى أسألى يا بنتى
-يا ترى سواقة المرأة للعربية حرام ولا حلال؟؟؟
- أعوذ بالله,ده عمل من المنكرات و فاعلته ستذهب إلى جهنم و بئس المهاد,ده غير أن الساكت عن الحق شيطان أخرس,فأنا بطالب اللى يشوف أمراة بتسوق عربية أنه يكسر لها عربيتها و ينزلها منها و يقيم عليها الحد نظرا لانها عصت أوامر الله
-طب يا فضيلة الشيخ إسخدام الموبايل حرام ولا حلال؟؟
- أعوذ بالله,حرام بدون جدال يا بنيتى لأنه من محدثات هذا العصر الكافر و كل محدثة بدعة و كل بدعة ضلالة و كل ضلالة فى النار
- أخر سؤال يا فضيلة الشيخ السهر حرام ولا حلال؟؟؟
- أعوذ بالله,السهر حرام يا بنتى مصداقا لقول الله تعالى
"وَجَعَلْنَا اللَّيْلَ لِبَاساً وَجَعَلْنَا النَّهَارَ مَعَاشاً" النبأ:11
- و فى نهاية البرنامج بنشكر فضيلة الشيخ و إلى لقاء قادم فإنتظرونا
مذيعة ترتدى بلوزة مفتوحة الصدر و تضع أطنانا من مستحضرات التجميل
-و النهارده معادنا مع شيخنا أبو فتوة السكرة عشان يعرفنا أحدث المستجدات فى عالم الفتاوى
-أهلا بيك يا فضيلة الشيخ
- أهلا بيكى با بنيتى
-يا فضيلة الشيخ جالنا سؤال مهم أوى من السادة المشاهدين عن أحكام الخلوة بين الرجل و المرأة فعايزين حضرتك توضح لنا الموضوع شوية
- شوفى يا بنتى,لو تواجد فى الخلوة دى أى كائن حى كالببغاء أو قطة أو حتى صرصور فلا تعتبر خلوة كاملة و الدين يسر زى مانتوا عارفين :)
-طب يا فضيلة الشيخ كنا عايزين رأى حضرتك فى التدخين
-التدخين حلال حلال حلال و لا يفطر فى الصيام كما أدعى البعض,و طبعا الدين يسر زى مانتوا عارفين
كادر 2:
نفس المذيعة ترتدى الحجاب و لقاء فى جامع مع شيخ ذو لحية طويلة و جلباب قصير
-و دلوقتى جه ميعاد لقائنا مع شيخنا عسران شديد عسران
-السلام عليك و رحمة الله يا شيخنا
-و عليكم السلام و رحمة الله و بركاته يا أبنتى
-فضيلة الشيخ أحنا فى البرنامج جالنا أسئلة كتير من السادة المشاهدين و كنا عايزين نأخد راى فضيلتكم فيها
-إتفضلى أسألى يا بنتى
-يا ترى سواقة المرأة للعربية حرام ولا حلال؟؟؟
- أعوذ بالله,ده عمل من المنكرات و فاعلته ستذهب إلى جهنم و بئس المهاد,ده غير أن الساكت عن الحق شيطان أخرس,فأنا بطالب اللى يشوف أمراة بتسوق عربية أنه يكسر لها عربيتها و ينزلها منها و يقيم عليها الحد نظرا لانها عصت أوامر الله
-طب يا فضيلة الشيخ إسخدام الموبايل حرام ولا حلال؟؟
- أعوذ بالله,حرام بدون جدال يا بنيتى لأنه من محدثات هذا العصر الكافر و كل محدثة بدعة و كل بدعة ضلالة و كل ضلالة فى النار
- أخر سؤال يا فضيلة الشيخ السهر حرام ولا حلال؟؟؟
- أعوذ بالله,السهر حرام يا بنتى مصداقا لقول الله تعالى
"وَجَعَلْنَا اللَّيْلَ لِبَاساً وَجَعَلْنَا النَّهَارَ مَعَاشاً" النبأ:11
- و فى نهاية البرنامج بنشكر فضيلة الشيخ و إلى لقاء قادم فإنتظرونا
10 comments:
فعلا دلوقتي بفى كل واحد بيفتي و كله موجود من أبو فتوة السكرة لعسران شديد
لأ و في فتاوي بدأت تبقى غير منطقية
في نكتة طلعت قالت إن ممنوع المرأة تقعد على كرسي ( مذكر ) أو إن الراجل يقعد على كنبة ( مؤنث ) لأن ده يبقى زنا
احنا فى زمن لكل فرد شيخ وفتوى خاصه به
..هنقول ايه؟؟ خلينا قاعدين
مصرى :
شر البلية ما يضحك
و احنا بقينا فى عصر كل أموره شر البلية
lonlysmily:
بعد كده الواحد حتيجى له الفتوى sms على الموبايل بتاعه
و كل فتوى و إنتى بخير :)
للأسف..ما بين المتنطعين ..الذين قال فيهم الرسول صلى الله عليه وسلم: هلك المتنطعون:فقيل له يا رسول الله ومن هم المتنطعون..قال الذين يتشددون في غير موضع الشده
وما بين ..المفرطين..من أصحاب الفتاوي التيك أواي ..ضاع العلم الحق..
الناس دي..بتضيع روح الاسلام..وبهاءه
كل يوم الواحد تتطلع له فتوى جديدة
وبلوى جديدة..ساعات باحس ان الناس دول فاضيين
المهم الواحد فيهم يفتي وخلاص..والله شر البلية ما يضحك
قديما قال أهل العلم الأتقياء: قد أفتى من قال لا أعرف
لأن من يفتي بغير علم..فقد ظلم نفسه..ودينه كثييييييرا
أما اليوم..فالمهم كل واحد يفتي وخلاص
ودخل البيزنس في الفتوى..والتين في الدين
مرة كنت باتفرج على برنامج..وكان فيه واحد كاتب شهير
وكان أحد علماء الأزهر القلائل المحترمين..بيقول ان الفتوى دي مش اي حد يتصدى لها
لازم يكون من أهل العلم..وتتحقق فيه الشروط
راح الكاتب رد عليه وقال له: مش أنا مسلم زيي زيك يبقى من حقي أفتي انا كمان براحتي
مفهوم عجيب..وواضح ان ناس كتير بتتعامل بيه
بجد بوست جميل والكلام فيه يطول
dr roufy :
الدين أصبح عمل من لا عمل له
فمن أرتدى جلباب و أطلق اللحية و أمسك مسبحة,صار شيخا و مصدر موثوق للفتوى و عالم جليل
و ضاع الدين الحق ما بين متشدد و متسيب
و ضاع أتباع الدين بين الحرام و الحلال
و أصبحت عبارة " من إتبع عالما لقى الله سالما " إلى زوال
فمن هم علماء اليوم و من هم المزيفون؟؟؟؟؟
تحياتى
طول عمر الناس فيهم الشديد قوي والمتساهل قوي. ده طبيعي جداً
ايه بأه اللي بيظبط الموضوع الشوية اللي في النص. اللي بيحاولو يجتهدو بجد وبيحاولوا يعملوا بكل جدهدهم.
طيب ايه المشكلة. المشكلة ان الناس دي صوتهم واطي أوي اليومين دول, وما بيتكلموا بيتكلموا بالراحة وهدوء ميخليش ودنك تروح معاهم.
المشكلة الكبيرة بأه ان كل فريق من دول مبيسمعش غير نفسه والفرق التانيه مبتفهمش.
رحم الله الامام الشافعي
تفتكر لما سالتوا مولانا عن الموبايل حلالا ولا حرام
كان موبايلة فين وقتها
sha2loob :
المشكلة دلوقتى فى المدعين اللى بيطلعوا على القنوات الفضائية عشان يعملوا فرقعة إعلامية.
واحد يطلع يقول رضاع الكبير و التانى بول البعير و التالت السجاير لا تفطر الصائم.
و الناس بتتفرج كأنه ماتش كورة
بيتابعوا الشيخ الفلانى قال كذا
قام الشيخ العلانى قال لأ الكلام ده مش مظبوط
و المتضرر فى النص أحنا
فبقا الحل الوحيد أنك تبقى إمام نفسك
لأنك لما تقف قدام ربنا...لازم تكون مقتنع بأعمالك عشان تقدر تواجه حسابك
اللهم أرحم أموات المسلمين و أدخلهم الجنة برحمتك يا أكرم من سئل
أمين
ايوية:
مولانا كان سايب موبايله فى الأمانات بره الأستوديو
حويط مش كده :))
Post a Comment